zaysan.vko.gov.kz | О ходе реализации программы «Дорожная карта»

Ел басының дағдарыстан дамуға бағытталған Қазақстан халқына жолдауынан туындаған Қазақстан Үкіметінің жолдауды іске асырудағы «Жол картасы» бағдарламасын орындау мақсатында Зайсан ауданы «Жол картасы» бағдарламасындағы 22 жоба бойынша жұмыстары өтуде.

Бағдарламаға байланысты 13 кәсіпорыннан жұмысшыларға сұраныстар түсіп, жаңа 665 жұмыс орындары ашылып, 532 адамға жолдамалар берілді. ТҮКШ-да жөндеу жұмыстарына-150 жұмыс орын, жол жөндеуде- 78, білім саласындағы объектілерін жөндеуге-184, мәдениет саласында-26, әлеуметтік жобалар бойынша- 172, денсаулық салысында -55 жұмыс орындары ашылды. Сондай-ақ кәсіптік мамандықтар бойынша кадрлар даярлауға бекітілген кестеге сәйкес екі оқу орындарымен шарт жасалынып, 100 адам (жоспардың 100 % құрайды) кәсіптік оқуға жіберілді. Оның 75 оқуын аяқтады. Әлеуметтік жұмыс орындарына 4 мекемеден түскен тапсырыстар негізінде 63 адамға (жоспардың 100 % құрайды) келісім шарт жасалды. Әлеуметтік жұмыс орындарына орналасқандардың еңбек ақылары айына 30 мың теңге құрады. Бұл шараға бөлінген қаражат (9 айға) 3232,0 мың теңге толығымен игерілді

«Жастар іс-тәжірибесіне» 17 мекемемен келісім шарт негізінде 25 жас маман (жоспардың 100 % құрайды) жіберілді. Айлық еңбек ақылары 12345 теңге құрады. Бұл шараға бөлінген қаражат (9 айға) 1230,0 мың теңге толығымен игерілді.

Қаланы абаттандыруға 15897,0 мың теңге бөлінген болатын, 01.10.2009 жылға игерілгені -13422,0 мың теңге, жол жөндеу жұмыстарына 98092,0 мың теңге, игерілгені- 81000,0 мың теңге, мектептерді жөндеуге 58890,0 мың теңге толығымен игерілді, кітапхананы жөндеуге бөлінген 10000,0 теңге толығымен игерілді, әлеуметтік мәдени объектілерін жөндеуге бөлінген 71917,0 мың теңге толығымен игерілді.
Бұл шаралар еңбек нарығындағы жағдайды тұрақтандырып әлеуметтік шиеліністі төмендетті.

«Жол картасы» бағдарламасы аясында 2009 жылдың 01 тамызына атқарылып жатқан істер

Елбасы Жолдауынан туындайтын міндеттерді орындауға бағытталған «Жол картасы» барысында Зайсан ауданында19 жобаға 255,1 млн.теңге қаржы бөлінді және облыстық бюджетке қарасты медицина саласына бөлінген 27 млн теңгені қоссақ барлығы 282,1 млн теңгенің жұмыстары атқарылуда.

Бүгінгі күні «Жол картасына» мол қаржы бөлініп, құрылыс жұмыстарының жүруіне үлкен себеп болып отырғаны, біздер өткен жылғы бюджеттен қаржы бөліп жобалық-сметалық құжаттар жасаттырып дайындауымыз болса, екіншіден осы бағдарлама басталардан бұрын облыстан сұратылған мәліметтерге көңіл бөле отырып, кәсіпорындар мен мекемелерден еңбек ақысыз демалысқа 64 адам, толық емес жұмыс уақытына көшірілуден 20 адам, қысқарту болады деген болжаммен- 185 адам, оралмандардан -15 адам жұмыссыз қалуы мүмкін деген болжамды, оның сыртында жұмыс істейміз деп тілек білдірген 208 адам туралы ақпараттар берілу нәтижесі.

Атап айтқанда, білім саласында 3 орта мектептің жылу жүйесіне 30,6 млн. теңге (Ломоносов, Мукарама, Дауленов),Сартерек орта мектебінің, №1 бала-бақша ғимараттарының күрделі жөндеуіне 28,6 млн. теңге бөлініп, 184 жұмыс орны ашылды.

Әлеуметтік салаға, Шілікті, Кенсай мәдениет үйлерінің ғимаратын күрделі жөндеуге 59,5 млн. Қарабұлақ, Қаратал, Жамбыл ауылдарының клубтарын ағымдағы жөндеуге 12,4 млн. теңге бөлініп 172 жұмыс орны ашылды.

Мәдениет саласында қаладағы кітапхана ғимаратын ағымдағы жөндеуге 10 млн. теңге бөлініп, 26 адам жұмысқа тартылды.

Тұрғын үй коммуналдық шаруашылық саласы бойынша 15,8 млн. теңге бөлінді. Бұған қала көшелері мен бақтарын көркейту мен көгалдандыру жұмыстары жүргізіліп 150 адам жұмысқа тартылды.

Жол жөндеуге 98 млн. қаржы қаралып, кіші айналма жолды жөндеу жұмыстары жүргізілуде, 78 адам жұмысқа тартылды.

Бұған қосымша облыстық бюджеттен қаржыландырылатын денсаулық сақтау саласына 27 млн.тенге бөлініп, 7 нысанның ағымдағы жөндеу жұмыстары жүргізілуде, 55 адам жұмыспен қамтылып отыр.

Жол картасы бойынша атқарылатын жұмыстарға орташа еңбек ақы 27 -45 мың теңге аралығында.

Бағдарламаға байланысты 13 кәсіпорыннан жұмысшыларға сұраныс түсіп, 488 адамға жолдамалар беріліп, жаңа 610 жұмыс орындары ашылды. Барлық жұмыс алушылар мен жеке шарттар жасалып, «Жол картасы» негізінде жұмыспен қамтылуға тиіс адамдардың жұмысқа орналасуы жұмыспен қамту және әлеуметтік бағдарламалар бөлімі арқылы жүргізілуде.

Сондай-ақ кәсіптік мамандықтар бойынша кадрлар даярлауға бекітілген кестеге сәйкес 75 адам кәсіптік мамандықтарға оқытылуда, оның ішінде 15 адам бухгалтерлік мамандығына, 15 адам аспаз, 15 адам газ дәнекерлеуші мамандығына, 15 адам тас қалаушы мамандығына, 15 адам «В» категориялы автокөлік жүргізушісі мамандықтарына оқытылуда.

Әлеуметтік жұмыс орындарына 3 мекемеден түскен тапсырыстар негізінде 60 адамға келісім -шарт жасалды, «Зайсан» ЖШС құрылыс компаниясына -28, « СМУ- Шығыс» ЖШС-не -28, «Қорған-Төбе» шаруа қожалығына 4 адамға келісім-шарт жасалып, жұмысқа жіберілді.

«Жастар іс-тәжірибесіне» 14 мекемемен келісім-шарт негізінде 20 жас маман жіберілді.

«Жол картасы» аясында Зайсан ауданы бойынша бос жұмыс орындар жәрмеңкесі ұйымдастырылып, оған 220 адам шамасында жұмыс іздеушілер мен оқуға тілек білдірушілер қатысты, оның ішінде 100 адамға жұмысқа жолдама берілсе, 15 адамға оқуға жолдама берілді.

Сонымен қатар бұқаралық ақпарат құралдарына жол картасы бойнша халықты үнемі хабардар етіп тұру мақсатында 6 мақала берілді.

2009 жылдың 01 тамызына «Жол картасы» бойынша бөлінген қаржының 177,6 млн теңгесі игерілді, бұл барлық бөлінген қаржының 70%-ын құрайды.

Ауданда «Жол картасы» бағдарламасына сәйкес бөлінген қаржының мақсатты жұмсалуын және атқарылып жатқан жұмыстардың сапасын бақылап қадағалап отыру үшін «Нұр Отан» ХДП тарапынан 4 бекет құрылған. Бекеттердің құрамына аудандық мәслихат депутаттары, қоғамдық ұйымдар мен бұқаралық ақпарат құралдары өкілдері енгізілген. Сонымен қатар Шығыс Қазақстан облысы әкімінің тапсырмасына сәйкес ауданда бюджет қаржысының толық, тиімді және мақсатты пайдаланылуын қадағалап отыру үшін аудан әкімі төрағалық ететін құрамында аудандық мәслихат хатшысы және құқық қорғау органдары басшылары кіретін комиссия құрылған. Құрылыстың сапасы мен бөлінген қаржының мақсатты жұмсалуын күнделікті қадағалауға аудан әкімі орынбасарлары, әкімшілік бағдарламашылар мен бөлім басшыларынан комиссия құрылып, тапсырма берілді. Атқарылып жатқан жұмыстардың сапасы мен бюджет қаржысының мақсатты жұмсалуы және келісім шартта көрсетілген мерзімде аяқталуы үнемі қадағаланып отыр.

Жол картасы бағдарламасын іске асыру барысы

Аудандық жұмыспен қамту және әлеуметтік бағдарламалар бөлімі ел басының дағдарыстан дамуға бағытталған Қазақстан халқына жолдауынан туындаған Қазақстан Үкіметінің жолдауды іске асырудағы «Жол картасы» бағдарламасын орындау жөнінде жұмыстар атқаруда.

Аталған бағдарламаның негізі бойынша 1) негізгі жұмыс орындарынан қысқартылғандардың-3 адам, 2) еңбек ақысыз демалысқа шығарылғандардың - 64 адам, 3) толық емес жұмыс күніне көшірілгендердің - 20 адам, 4) қысқарту болады деген болжамдағы - 185 адам, 5) оралмандар - 15 адам, 6) оқу орындарды бітірушілер - 350 адам, 7) жұмыс істейміз деп тілек білдірген 208 адам туралы ақпарат мәліметтер жинақталып, облыстық жұмыспен қамту және әлеуметтік бағдарламаларды үйлестіру басқармасына апта сайын жіберіліп отырылды.

Зайсан ауданы «Жол картасы» бағдарламасындағы 19 жоба бойынша байқау 23 мамырға дейін отіп, 26 мамырда жөндеу жұмыстары басталып, бір жоба бойынша жұмысты қаржыландыру маусым айында тұрғандықтан маусымда басталады. Бағдарламаға байланысты 13 кәсіпорыннан жұмысшыларға сұраныстар түсіп, 470 адамға жолдамалар беріліп, жаңа жұмыс орындары ашылды.

Жол картасы» бағдарламасы бойынша бөлінген 282090,0 мың теңге қаржының Республикалық бюджеттен 31,4 млн. теңгесі, аудандық бюджеттен 6,8 млн. теңге толық игерілді. Сондай-ақ кәсіптік мамандықтар бойынша кадрлар даярлауға бекітілген кестеге сәйкес 60 адам кәсіптік мамандықтарға оқытылуда, оның ішінде 15 мамырдан бастап 15 адам бухгалтерлік мамандығына, 01 маусымнан 15 адам аспаз, 15 адам газэлектрдәнекерлеуші мамандығына, 10 маусымнан 15 адам тас қалаушы мамандығына оқытылуда. Әлеуметтік жұмыс орындарына 3 мекемеден түскен тапсырыстар негізінде 60 адамға келісім шарт жасалды, «Зайсан» ЖШС құрылыс компаниясына – 28, СМУ «Шығыс» ЖШС-не –28, «Қорған төбе» шаруа қожалығына 4 адамға келісім-шарт жасалып, жұмысқа жіберілді. Бұқаралық ақпарат құралдарына жол картасы бойынша халық хабардар болу үшін 4 мақала берілді.

10.06.2009 жылы «Жол картасы» аясында Зайсан ауданы бойынша бос жұмыс орындар жәрмеңкесі алдын-ала аудандық «Достық» газетінде берілген хабарландыруға сәйкес өтті. Аудандағы ірі мекемелердің басшылары қатысты. Атап айтқанда, «Шығыс» құрылыс монтаждау басқармасы бастығының орынбасары М. Қалиев, ЖШС «Жеменей» құрлыс мекемесінің директоры М. Қойшыбаев, жеке кәсіпкер А. Утебаев, «Зайсан» құрылыс компаниясының бастығы Б. Нұрасыл, жеке кәсіпкерлер Ғ. Салбанов және Қ. Амренов, «НУР Сервис» мекемесінің бастығы Келгенбаевтар қатысып, бос жұмыс орындарын ұсынып, жұмыссыздарды жұмысқа, «Отан» қоғамдық бірлестігінің төрағасы С. Садан жұмысшы кәсібіне оқуға шақырып сөз сөйледі. Жәрмеңкені аудан әкімі Ә.М.Мұхтарханов ашып, жүргізіп отырды. Келесі сөз облыстық ауылшаруашылығы басқармасының бастығы Д.М. Селихановқа берілді. Сондай-ақ, «Шығыс» құрлыс-монтаждау басқармасы бастығының орынбасары М.Қалиев, ЖШС «Жеменей» құрлыс мекемесінің директоры М.Қойшыбаев, жұмыссыз оралман Жеңісхан сөз сөйледі.

Жәрмеңкеге 210-230 адам шамасында жұмыс іздеушілер мен оқуға тілек білдірушілер қатысты. 100 жұмыс іздеушіге, 15 оқуға тілек білдірушілерге жолдамалар берілді. Чілікті ауыл клубын жөндеуге 13 адамға, Кеңсай ауыл клубын жөндеуге 9 адам, ДСУ құрлыс компаниясына 21 адам, «Шығыс» құрлыс-монтаждау басқармасына 42 адам, ЖК Утебаев 7 адам, «Жеменей» құрлыс мекемесіне 8 адам жолдама алды.