Ауылдық округтер

Сартерек ауылдық округі

Орынбаев Әнуарбек ӘмірханұлыОкруг әкімі – Орынбаев Әнуарбек Әмірханұлы
1960 жылы 1 мамырда Шығыс қазақстан облысы Зайсан ауданы Сартерек ауылында дүниеге келген. 1976 жылы Сартерек ауылының орта мектебін бітіріп, сол жылы Алматы қаласындағы Қазақтың Еңбек қызыл ту орденді Ауылшаруашылық институтына оқуға түсті. 1981 жылы шілде айында аталған оқу орнын  «Ауыл шаруашылық пәндерінің инженер мұғалімі» мамандығы бойынша бітіріп шықты. Еңбек жолын 1981 жылы қараша айында Зайсан ауданы Зайсан совхозының техника қауіпсіздігі инженері болып бастады. 1986 жылы Зайсан ауданы Зайсан совхозы кәсіподақ комитетінің төрағасы болып сайланды. 1995-1996 жылдары Сартерек ауылдық округінің әкімі, 1996-2007 жылдары «Зайсан» шаруа қожалығының төрағасы, 2007-2010 жылдары  «Мұса» шаруа қожалығының төрағасы қызметтерін атқарды. Зайсан аудандық мәслихатының 1-ші және 4-ші шақырылымы депутаты болып сайланған. 2010 жылдың кыркүйек айының 21-нен аудан әкімінің өкімімен Сарытерек ауылдық округінің әкімі болып тағайындалды. 
Үйленген, үш бала тәрбиелеп өсірген ұлағатты әке.

Мекен-жайы: Зайсан ауданы, Сартерек ауылы
Тел.: (8-723-40) 50-697
Азаматтарды қабылдау: сейсенбі, бейсенбі күндері сағат 10:00-13:00 дейін


Ауылдық округ туралы жалпы мағлұмат

Әкімшілік орталығы – Сартерек ауылы. Аудан орталығынан 29 км (Зайсан қаласы), облыс орталығынан (Өскемен қаласы) 506 км қашықтықта орналасқан. Барлық жер көлемі 102 923 га, оның ішінде егіндік 2480 га, шабындық 5333 га жайылымдық 70 681 га.
Елді мекендер - 8 (Сартерек ауылы, Көгедай ауылы, Шалқар ауылы, Жаңабаз ауылы, Акқойын, Қызыл-қия, Кенарал, ЛСП фермалары).
Барлық адам 2376. Халықтың ұлттық құрамы: 2395 қазақ, 4 татар, 1 орыс.
Ауылдық округтің жер жағдайы өте ыңғайлы, ауылдық округітің  шығыс-оңтүстік бөлігін Сауыр, Сайқан таулары  алуда, негізінен малға, егіншілік пен айналысуға өте ыңғайлы. Сартерек ауылының  шығыс-оңтүстік бөлігінде «Бестерек» қорығы бар, табиғи құрамы терек, үйенкі, қайың, қарақат, мойыл, бүлдірген, алма тағы басқа ағаштар өседі. Сауыр, Сайқан тауларында аю, түлкі, қарсақ, қасқыр, суыр, борсық, сілеусін, бүркіт, қаршыға, тағы басқа аң құстар бар.

Ауылдық округте 2 орта, 1 бастауыш мектеп бар, 468 оқушы оқиды.  1 мешіт, 1 мәдениет үйі,1 кітапхана, 1 дәрігерлік амбулатория жұмыс істейді. 129 шаруа қожалығы тіркелген, 4 мал дәрігерлік қызмет, 1 наубайхана, 2 кіші ұн диірмені, 2 май сығатын цех, 8 дүкен, 1 дәріхана бар. 

  • Сартерек ауылдық округі
  • Сартерек ауылдық округі
  • Сартерек ауылдық округі

 

 

 

 

 

 

Сартерек ауылдык округ әкімі Әнуарбек Әмірханұлы Орынбаевтың 2018 жылғы 9 айлық бойынша әлеуметтік-экономикалық даму қорытындылары *.doc 39 KB
Сартерек ауылдык округ әкімі Әнуарбек Әмірханұлы Орынбаевтың 2018 жылғы 1 жартыжылдық бойынша әлеуметтік-экономикалық даму қорытындылары *.doc 42 KB
Сарытерек ауылдық округ әкімі аппараты» мемлекеттік мекемесінің 2018-2020 жылдарға арналған даму бағдарламасы *.doc 584 KB
Парақтар өзгертілді: 25-10-2018