Мәдениет

Дене шынықтыру және спорт туралы *. doc 334 KB
     
Зайсан аудандық мәдениет үйі  
Зайсан тарихи өлкетану мұражайы  
Термины *. doc 2.6 MB

 

Зайсан ауданының мәдениет және тілдерді дамыту бөлімінің 2017 жылдың I-ші тоқсанында өткізілген іс-шаралар

Зайсан аудандық мәдениет және тілдерді дамыту бөлімі  бойынша 1 аудандық мәдениет үйі, 3 ауылдық мәдениет үйі, 7 ауылдық клуб, 1 орталық, 8 ауылдық кітапхана жұмыс істейді.

Мәдениет үйлері, клубтар Көрермен залы Жылу қазандығы Штат саны
1 Аудандық мәдениет үйі 450 орын №1 орталық қазандық 52,25 бірлік
2 Айнабұлақ ауылдық клубы 80 орын Ауылдық амбулатория арқылы 2,5 бірлік
3 Қарабұлақ ауылдық клубы 200 орын Абай орта мектебі арқылы 5, 0 бірлік
4 Қаратал ауылдық клубы 200 орын Электр қазандық 8,5 бірлік
5 Сарытерек ауылдық мәдениет үйі 200 орын Теплофон 6,75 бірлік
6 Шілікті ауылдық мәдениет үйі 250 орын Электр қазандық 9,5 бірлік
7 Дайыр ауылдық  мәдениет үйі 100 орын Интернат қазандығы арқылы 6,5бірлік
8 Біржан ауылдық клубы 50 орын Ауылдық амбулатория арқылы 2 бірлік
9 Кеңсай ауылдық клубы   200 орын Электр қазандық 7 бірлік
10 Көкжыра ауылдық клубы   100 орын Қатты отын 1,5 бірлік
11 Жамбыл ауылдық клубы   30 орын Электр қазандық 1 бірлік
12 Орталық кітапхана 10 орын Электр қазандығы 7 бірлік

«Зайсан» халық театры өзінің биылғы маусымын М. Шахановтың поэзия желісі бойынша «Адасқан ұл» – атты қойылымымен бастады. Аудандық мәдениет үйінде бекітілген жоспар бойынша халықтың рухани сұраныстарын қанағаттандырып, әр түрлі мәдени іс-шаралар ұйымдастырылады. Аудандық «Шәмші әндері» сайысы өткізіліп, «Қазақ вальсының патшасы»  Шәмші Қалдаяқовтың көптеген әндері шырқалып көрермендердің ризашылығына бөленді. 1-наурыз Алғыс айту күніне орай «Алғыс айту-асыл қасиет» атты дөңгелек үстел ұйымдастырылды. 8 наурыз халықаралық әйелдер күніне байланысты «Батыр, алтын құрсақты аналар» атты  салтанатты жиналыс, мерекелік концерт өткізілді. Өткізілген іс-шарада түрлі салада еңбек етіп жүрген аналарымыздың еңбектерін мадақтады. Ауданымызда қоғамдық істерге қатысып өз үлестерін қосып жүрген  әжелер алғыс хаттармен марапатталды. 8 наурыз – Халықаралық әйелдер мерекесі қарсаңында, жас аналарға құрмет көрсету, жастар арасында ұлттық салт-дәстүрлерді, отбасы құндылықтарын дәріптеу мақсатында аудандық «Аяулы жас келін» байқауы өткізілді. Зайсан жеріндегі жыр әлеміне самғаған төкпе ақындар арасында ақындар айтысы кез келген қазақты  ұлтжандылыққа, отансүйгіштікке, тіл тазалығын дәріптеу мақсатында аудандық мәдениет үйінде «Ұлы дала жырлайды» атты аудандық ақындар айтысы өткізілді.22 наурыз күні «Қош келдің, әз Наурыз» атты мерекелік концерт, тетрландырылған қойылым қойылды. 1 сәуір күлкі күніне орай Зайсан ауданының әкімдігінің «Жастар ресурстық орталығы» КММ, «Нұр Отан» партиясы Зайсан аудандық филиалының, «Жас Отан» Жастар Қанатының және аудандық мәдениет үйінің ұйымдастыруымен, аудандық мәслихат депутаттарының қолдауымен «Нұр Отан» партиясы ШҚО Зайсан аудандық филиалының кубогіне арналған аудандық «Жайдарман 2017» ойыны өтті. 3 сәуір күні Кеңсай ауылдық мәдениет үйінде аудандық «Халық әндері» және  дәстүрлі әндерді дәріптеу мақсатында аудандық «Қазақтың дәстүрлі әндері» атты байқау өткізілді.
Халықтық «Айнакөл ән-би» ансамбілі Тарбағатай ауданына гастрольдік іс-сапармен барып өнер көрсетті. 14 сәуір «Қозы Көрпеш-Баян сұлу» күніне орай «Жырлайды жүрек» атты сайыс ұйымдастырылды. «Той қазақтың қазынасы» атты аудандық асабалар сайысы өткізіліп, бас жүлдені Еркебұлан Зағыпаров жеңіп алды.
10-16 сәуір аралығында «Ауылым –алтын бесігім» атты концертпен ауылдық мәдениет қызметкерлерінің  біріккен тәжірбие алмасу концерті гастрольдік іс-сапармен ауыл округтерді аралап қайтты.   
1 мамыр –  Қазақстан халқының бірлігі күніне орай «Ұлттар достығы» акциясы өтті. 9 мамыр күні Ұлы Жеңіске тағзым ретінде  Ұлы Отан соғысы ардагерлерімен қала тұрғындары «Батырлар» алаңындағы ескерткішке гүл шоқтарын қойды.   9 мамыр Ұлы Жеңістің 72 жылдығына орай «Мәңгілік сапта» салтантты шеруі өткізіліп «Бабалар рухына тағзым» атты мерекелік концертпен жалғасты. 26 мамыр күні Зайсан ауданының әкімдігінің «Жастар ресурстық орталығы» КММ, «Жас Отан» Жастар Қанаты және аудандық мәдениет үйінің ұйымдастыруымен аудандық «Жігіт сұлтаны - 2017» атты байқау өтті.  Байқауға бағын сынау үшін ауданымыздың 8 сері жігттері қатысты. Байқау 2 бөлімнен тұрды. Байқаудың бірінші бөлімінде жігіттер қазақ күресі, қол тірес, гір көтеру, АК 74 автоматын толык емес бөлшектеу және толық емес жинақтау бойынша күш сынасса, екінші бөлімде «Мен Алаштың ұлымын», «Өнерге әркімнің – ақ бар таласы», «Білімді мыңды жығар, «Таң қалдыру» бөлімдері бойынша бойындағы бар өнерлерін көрсетіп, көрермендер қошеметтеріне бөленді. «Жігіт сұлтаны - 2017» аталымына Тасбастау ауылдық округінен келген Саханов Рауан ие болып, аудан әкімінің дипломы және ноутбукпен белдік тарту етілді.1 маусым – Халықаралық балаларды қорғау күніне арналған «Қазақстан – біз сенің балаларыңбыз» атты мерекелік іс-шара ұйымдастырылды. Қазақстан Республикасының Мемлекеттік Рәміздерінің қабылданғанына 25 жыл толуына арналған салтанатты жиын, мерекелік концерт өтті. Аудандық мәдениет үйінің материалды-техникалық базасын нығайту мақсатында Көкжыра ауылдық клубына 500000 теңгеге  дыбыстандыру аппаратурасы алынды.

Тілдерді дамыту мен қолдану

Ауданда тіл саясаты саласындағы жұмыстардың дамуы – ұлттық бірегейлікті қалыптастыру, мемлекеттік тіл саясатын ақпаратпен тиімді сүйемелдеу қоғамдық тұрақтылық пен ұлтаралық келісімді нығайтуға бағытталған.
Зайсан ауданы бойынша тұрғындардың жалпы саны 37 917 адам, оның ішінде 36 916 ( 97,36 %) адам қазақ, 706 (1,86)адам орыс,  295 (0,78)адам өзге ұлт өкілдері.
Ауданда 3 этномәдени орталық жұмыс істеуде. Олар орыс, татар, өзбек этномәдени орталықтары. Орталықтарда ана тілін оқыту бойынша үйірмелерде оқитындар жоқ.
Жыл басындағы ең алғашқы іс шара  «Үш тілділік заман талабы» акциясымен  басталды.Қазақстанды бүкіл әлем халқы үш тілді бірдей пайдаланатын жоғары білімді мемлекет ретінде тануы керек. Олар: қазақ тілі – мемлекеттік тіл, орыс тілі – ұлтаралық қарым-қатынас тілі және ағылшын тілі – жаһандық экономиканы ойдағыдай түсіну тілі. Дәлірек айтқанда, үштұғырлы тіл идеясын мынадай әрі қарапайым, әрі түсінікті формуламен көрсетуге болады: мемлекеттік тілді дамытамыз, орыс тілін қолдаймыз және ағылшын тілін үйренеміз. “Үш тілдің бірлігі” мәдени жобасы – үш тілді, қазақ, орыс және ағылшын тілдерін Қазақстан азаматтарының бірдей меңгеруін меңзегенімен, бұның түпкі негізі, көздеген мақсаты – мемлекеттік қазақ тілінің халықаралық қолданыстағы орыс, ағылшын тілдерімен терезесін теңестіріп, әлемдік деңгейге көтеріп, жаһан тілдерімен тең қолданылатын биікке жеткізу.
2017 жылдың 13 ақпаннан 13 наурыз аралығында көрнекі ақпарат пен жарнама мәтіндерін заң талаптарына сай біріздендіру және жарнама мазмұнының қазақ, орыс, ағылшын тілдеріне аудару кезінде негізгі мағынасының дұрыс болуын қадағалау мақсатында «Қате жарнамаға жол жоқ!»деген атпен айлық  аясында 3 рет рейд жүргізілді. Рейдке бұқаралық ақпарат құралдарының өкілдері, жастар өкілдері қатысты. Рейд барысында 65 жеке меншік нысаны және 13 мекеме, 8 ауылдық округ тексеріліп, 21 кемшілік анықталды.
2017 жылдың 14 наурыздан 14 сәуір аралығында «Тектілікті сақтау – болашақ ұрпаққа аманат» айлығының жоспары жасалынып, жоспарға сәйкес бірқатар шаралар өткізілді. Атап айтқанда, аудандық мәдениет және тілдерді дамыту  бөлімінің ұйымдастыруымен айлықтың ашылуына байланысты дөңгелек үстел, «Жас Отан» жастар қанатының мүшелерімен кездесу, ауданның белсенді жастарымен кездесу, семинар-кеңес және айлықты қорытындылау бойынша дөңгелек үстел өткізілді.
Сәуір айында жас буындардың арасында Алаштың 100 жылдығына орай «Алаштың ақ жолы» атты айлығы өткізілді.Кітапхана ұжымымен бірлесе отырып, «Алаш туы астында:Алашорда.Тәуелсіздік.Тың деректер» ашық сабағы және де «Алаш қозғалысының қоғамдағы орны» атты жоғарғы сынып оқушылары арасында пікір талас өтті.
Мемлекеттік тілдің қолданылу деңгейін арттыру, мемлекеттік тілді насихаттау мақсатында халқымыздың тарихы, мәдениеті мен өнеріне деген қызығушылығын, құрмет сезімдерін арттыратын осындай іс-шаралар, жоспарлы түрде өткізіліп келеді. Тілдерді қолдану мен дамытудың мәселелері бойынша атқарылатын жұмыстар алдағы уақытта да жалғасын таба береді.

Кітапхана
Мәдениет пен өнер ұлы болмайынша, ұлт ұлы болмайды дегендей, егеменді мемлекетіміздің болашағы жастардың мәдени танымдық қабілетін қалыптастыратын мәдени ортаның бірі – кітапхана. Кітапхана – пайдаланушыларға қызмет көрсететін, ақпараттық, мәдени және рухани орын.
13-ақпан  күні  Зайсан  аудандық  онлайн  орталығында   Ауған  соғысының  аяқталғанына  28 жыл  толуына  орай,   «Қан  кешкен  күндер»   атты Көкпекті Зайсан  ауған  соғысы  ардагерлерімен  онлайн   кездесу  кеші  өтті. Кешке Көкпектіден   Е.Чужумов, А. Мукашев қатысса, Зайсаннан ауған  соғысы  ардагерлер  ұйымының  төрағасы  С. Мананбаев пен Қ. Бақаев,  «Мұрагер»  үйінің  ардагерлері, Дәуленов  атындағы  мектеп-интернатының  9-сынып  оқушылары қатысты. Шарада осы  жерлестерімізге  арналған  слайд  көрсетіліп,        «Ауғанның  от  жалыны»  атты  кітап  көрмесіне  шолу  жасалды. Сондай-ақ   Көкпекті  ауданындағы онлайн  орталығы  қызметкерлері  кеш қонақтарына  құттықтау  сөз айтып,  ауған  соғысы  ардагерлері  бір-бірімен  онлайн   режимде  жүздесті.                                                                                                                        
Қазақ  халқының  рухани  мәдениетінің  ірі  тұлғаларының  бірі ,  ағып  түскен  жарық  жұлдыздай  болған дарынды  талант иесі,  ақын  Төлеген  Айбергеновтің  туғанына  80 жыл  толып  отыр.   Осыған  орай, 2017 жылдың 14 наурызында  аудандық  кітапханада  жыр сүйер қауыммен  «Бір  тойым бар»  атты  поэзия  кеші  өтті.  Кешке  аудандық  ардагерлер  ұйымының мүшелері,  мәдениет  бөлімінің  әдіскері  - Д. Аршабаева, Ю. Гагарин атындағы орта мектебінің  оқушылары,   қазақ тілі  мұғалімі – Г. Ахметжанова  қатысты.  Кешті  ақынның  «Бір  тойым  бар»  өлеңімен  ашты. Ақынның  өмірі,  шығармашылығы  жайлы  бейнебаяндар, слайдтар  көрсетіліп, «Жыр  жүрегінің  жапырағы»  атты кітап  көрмесі  ұйымдастырылды.                      
Қазақстан  ЭКСПО -2017 тақырыбына  байланысты   барлық  ауылдық  кітапханадаларда  «ЭКСПО -2017 болашақтың  энергиясы» тақырыбында  кітап  сөресі, әңгіме, видеороликтер  көрсетілді.
2017 жыл  Алаш  қозғалысына  100 жыл. Аудандық  кітапханада  «Ұлт  ардақтылары»,  «Айбынды  алаш  қайраткері »  атты   кітап  көрмесі. «Алаш орда тарихы» атты ұсыныстық  тізім құрастырылды.Сондай-ақ «Алашорда –тәуелсіздік бастауы» атты тарихи кеш Мұстафина атындағы мектеп-лицейінің 10 сынып оқушыларының қатысуымен өтті.Кешке  Зайсан ауданының Құрметті азаматары, ардагер журналист Б.Жапаров,жергілікті абайтанушы Қ. Алтыбаев,алаштықтарға қолдау көрсетіп, тығыз байланыста болған азаматтардың ұрпақтары-кәсіпкер О.Мұхамеджанов,Алтай аймағынан елге оралған Т.Ахмадияр, өлкетану мұражай қызметкерлері қатысты.
Алдағы уақытта  да Зайсан ауданы бойынша мәдениет саласының қызметкерлері халыққа қызмет көрсете береді.

 

 

МҰРАҒАТ


Зайсан аудандық мәдениет және тілдерді дамыту бөлімі бойынша 2016 жылда атқарылған жұмыстары *.doc 50 KB
Зайсан аудандық мәдениет және тілдерді дамыту бөлімі бойынша 2015 жылда атқарылған жұмыстары  
Зайсан аудандық мәдениет және тілдерді дамыту бөлімі бойынша 2014 жылда атқарылған жұмыстары  
Зайсан аудандық мәдениет және тілдерді дамыту бөлімі бойынша 2014 жылдың I жарты жылдығында атқарылған жұмыстар  
Зайсан аудандық мәдениет және тілдерді дамыту бөлімі бойынша 2013 жылы атқарылған жұмыстар  
Аудандық мәдениет және тілдерді дамыту бөлімі бойынша 2013 жылдың І жарты жылдығында атқарылған жұмыстар  
Зайсан аудандық мәдениет және тілдерді дамыту бөлімі бойынша 2012 жылы атқарылған жұмыстар  
Зайсан аудандық мәдениет және тілдерді дамыту бөлімі бойынша 2012 жылы атқарылған жұмыстар  
Зайсан аудандық мәдениет және тілдерді дамыту бөлімі бойынша 2012 жылдың жарты жылдығында атқарылған жұмыстар туралы мәлімет  
Зайсан аудандық мәдениет және тілдерді дамыту бөлімі бойынша 2011 жылда атқарылған жұмыстар туралы мәлімет  
2010 жылы өткізген мәдени көпшілік іс- шаралар  
2010 жылдың тоғыз айында өткізілген мәдени көпшілік шаралары туралы анықтама  
2009 жылдың қорытындысы  
2009 жылдың тоғыз айында өткізілген мәдени көпшілік шаралары  
2009 жылдың бірінші жарты жылдығында өткізілген мәдени көпшілік шаралары  
2008 жылғы аудандық және ауылдық кітапханалардың өткізген көпшілік шаралары  
Аудандық мәдениет үйінің 2008 жылда өткізген мәдени көпшілік шаралары туралы анықтама  

 

Парақтар өзгертілді: 19-06-2017