Денсаулық сақтау

ҚР-да міндетті әлеуметтік медициналық сақтандыруды енгізу бойынша 100 сұрақ және жауап *.doc 314 KB

Аудандық медициналық бірлестіктің мекемелер тізімі *.doc 33.0 KB

Зайсан аудандық медициналық бірлестігінде көрсетілетін медициналық көмек түрлері *.doc 31.5 KB

Зайсан аудандық тұтынушылардың құқықтарын қорғау басқармасы
                                                                                          

 

Зайсан аудандық денсаулық сақтау саласының 2014 - 2016жыл бойынша атқарылған жұмыстары

Зайсан аудандық денсаулық сақтау саласында аудан халқына 7 бөлімнен тұратын 112 төсектік аурухана,121 төсектік кундізгі емдеу стационары, амбулаториялық – поликлиникалық көмекті аудандық аурухананың құрамындағы мамандандырылған клинико - диагностикалық бөлімі, заманауи қондырғылармен жабдықталған кіші диагностикалық орталық, сонымен қатар, 1 қалалық, 8 ауылдық дәрігерлік амбулатория өздеріне қарасты ФАП және медициналық пункттерімен көрсетеді. Аудандық ауруханада қабылдау бөлімі және жедел жәрдем көрсету бөлімдері жұмыс істейді. 

I.Демографиялық көрсеткіштер ауданымыздың халық саны 2014 жылмен салыстырғанда – 34081, 0,9 пайызға төмендеп, 34618 болып отыр, оның ішінде  14 жасқа дейінгі балалар саны 9291, жасөспірімде 1253, бала табар жастағы әйелдер 7104, ересектер 24074. Ауданымызда туу көрсеткіші 2014 жылы 20.5 көрсетсе – 682 босану, 2016 жылға бұл көрсеткіш 17,1 төмендеді – 613 босану,  жалпы өлім көрсеткіші 2014 жылы 8,3- тен – 278 адам, 2016 жылы 7,7 деп азайды – 270 адам, табиғи өсім 11,8-тен 9,4-ке төмендеді. Нәресте өлімі  2014 жылы 8,7 болса – 6 бала, 2016 жылы бұл көрсеткіш 6,9-ғатөмендеді – 4 бала. Ана өлімі соңғы төрт жылда тіркелген жоқ.

II.Мамандар
2014 жылы 70 дәрігер жұмыс істесе 2016 жылы дәрігерлер саны 84 ке артты. Медициналық қызметкерелермен қамтамасыз ету мақсатында, 2015 жылы 10 дәрігер, оның ішінде ауылдық дәрігерлік амбулаторияларға 2 дәрігер (Қарабұлақ, Қаратал), 2016 жылы 8 дәрігер, оның ішінде ауылдық дәрігерлік амбулаторияларға 3 дәрігер (Айнабұлақ, Кенсай, Қаратал) жұмысқа қабылданды. Орта медициналық қызметкерлер саны сонғы 3 жылда бір деңгейде (2016 жылы 238орта медициналық қызметкерлер).
Медициналық көмектің сапасын жақсарту мақсатында әрбір 5 жыл сайын мамандардың  білімін жетілдіру курстарынан өткізу жоспары жасалып, іске асырылуда.  Соңғы 3 жылда 38 дәрігер, 140 орта буын қызметкерлері оқытылды (2014 - 13, 2015- 13, 2016 -12 дәрігер, 2014- 51, 2015 -51, 2016-38орта медициналық қызметкерлері оқытылды). Бүгінгі күні 40 дәрігер, 159 орта буын медицина қызметкері әр түрлі санаттағы біліктілігі бар.
Сонымен қатар барлық дәрігерлер Міндетті әлеуметтік медициналық сақтандыру бойынша оқытылды. Маман тапшылығын төмендету  мақсатында  Семей мемлекеттік медициналық университетінің түлектерімен келісім шартқа отыру  жыл сайын жүргізіледі. Бүгінгі күні  маман тапшылығы жоқ.
Халықты дәрігерлермен қамту деңгейі 10 000 тұрғынға шаққанда 2016 жылы 24,7,  орта медициналық қызметкерлермен қамту деңгейі 69,8 құрады.
III. Қаржыландыру
2014 жылы денсаулық сақтау саласын қаржыландыруға 680 163,191 мың тенге бөлінді, оның ішінде дәрі- дәрмеккежәне медициналық мақсаттағы құрал жабдықтарға– 70 641,643 мың тенге, тамаққа -12 000,00мың тенге;
2015 жылы денсаулық сақтау саласын қаржыландыруға 694 072,259мың тенге бөлінді, оның ішінде дәрі- дәрмеккежәне медициналық мақсаттағы құрал жабдықтарға – 72 275,241 мың тенге, тамаққа -12 987,926мың тенге;
2016 жылы денсаулық сақтау саласын қаржыландыруға 796 571,619 мың тенге бөлінді, оның ішінде дәрі- дәрмекке және медициналық мақсаттағы құрал жабдықтарға –102 279,896мың тенге, тамаққа -14 294,281мың тенге бөлінді;

IV.Материалды-техникалықбазасын нығайту мақсатында 2014-2016 жылдары игі іс шаралар атқарылды:
2014 жылы жалпы құны 46 372 ,00мың теңгеге, оның ішінде 660 мың теңге бюджеттен тыс;
2015 жылы 37 465,00 мың  теңгеге, оның ішінде 10 737,00 мың теңге бюджеттен тыс қаражатқа және лизингке 35 198,00 мың теңгеге эндоскопиялық ота жасайтын хирургиялық аппарат алынды.
2016 жылы жалпы құны 21 609,00мың теңгеге, оның ішінде  11 135,00 мың теңге бюджеттен тыс қаражатқа медициналық құрал жабдықтар алынды.
Сонымен қатар, 2016 жылдың қазан айында «Парыз» қоры бойынша 127403,544 мың тенге қаржы көлеміне медициналық қондырғыларға тапсырыс беріліп, бүгінгі күні 59 471 525,63  тг. құрал жабдықтар, оның ішінде жалпы хирургиялық үстел, лабораториялық қондырғылар, нәрестелер үстелі, акушерлік-гинекологиялық комплекттер, төсек жанындағы манитор, 2 ИВЛ аппарат, травматологиялық дрельдер, эндоскопиялық коагулятор, т.б. құрал-жабдықтар жеткізілді. Қалған соманың құрал-жабдықтары 2017 жылы жеткізілуде.
Сонымен қатар, аудандық ауруханаға булы стерилизатор, К, Na, иондалған Ca, қышқылдық негізгі тепе-теңдікті анықтауға лабораториялық аппараттар алынды.
2014 жылы 5 автокөлік, оның ішінде санитарлық автокөлік -4, 1-жеңіл НИВА автокөлігі, 2016 жылы 5 санитарлық автокөлік алынып, Қаратал, Біржан,  Зайсан дәрігерлік амбулаторияларына және жедел жәрдем бөлімінебөлінді.
Аудан бойынша медицина саласының ғимараттарына айтарлықтай жөндеу жұмыстары жүргізілді:
2015 жылдан бері Кенсай, Біржан дәрігерлік амбулаторияларының, аудандық аурухананың сот медициналық сараптама ғимаратының шатырына ағымды жөндеу жұмыстары жүргізілді.Қарабұлақ ДА-ның жылыту жүйесі, су құбыры және канализациясы ағымды жөндеу жұмыстарынан өтті. Зайсан қаласының дәрігерлік амбулаториясы ғимаратына газификациялау жүргізілді. Айнабұлақ және Сартерек дәрігерлік амбулаторияларыныңжаңа ғимараты салынып, жаңа құрылғылармен жабдықталды.Орталық аудандық ауруханасы қазандығына, Қаратал дәрігерлік амбулаториясы ғимаратына ағымды жөндеу жұмыстары жүргізілді.
Аудандық аурухананың  терапевтік копусының терезелері толықтай жаңартылды, сонымен қатар, хирургиялық және терапевтік корпусының ауруханалық лифті заманауижаңа қондырғыға ауыстырылды. Медиццналық құжаттарды біріңғай интернеттік жүйеге ауыстыру жұмыстарын жандандыру  мақсатында 36 компьютер алынды.Орталық аудандық ауруханасында және Зайсан ДА видеобақылау қондырғылары орнатылды. Төтенше жағдайларды алдын-алу мақсатында орталық аудандық ауруханаға қуаты 120 КВТ-ты дизельді электростанциясыорнатылды.Палаталарға, реанимация, перзентханаға және хирургия бөліміне ИВЛ аппаратын қосуға орталықтандырылғанкөмірқышқыл газын ауадан өндіретін қондырғы іске қосылды. Медициналық қалдықтарды заласыздандырып жоятын МУФИЛЬДІ пеші қойылды.
Аудан халқына квалификациялы медициналық көмектің сапасын арттыру мақсатында стационарға жоспарлы түрде жатқызу электрондық порталы іске қосылған, жүйелі түрде жұмыс жасалуда.
Орталық аудандық аурухананың барлық бөлімдері және клиникалық-диагностикалық бөлім интернет желісіне қосылған. Клиника диагностикалық бөлімнің және Зайсан қаласының дәрігерлік амбулаториясының регистратурасынаCall орталығы арқылы науқастар дәрігер қабылдауына телефон арқылы жазыла алады.
Жылжымалы ФЛГ қондырғы және жылжымалы медициналық кешен елді – мекендерді  белгіленген кесте бойынша  аралап,  тексеру жұмыстарын сәуір айынан бастап, медициналық көмек көрсетуде.
Аудан бойынша 2016 жылы қабылдау 1 тұрғынға шаққанда – 4,2 қабылдауды құрады.
2016 жыл бойы аудан бойынша тәулік бойы емдеу стационарында – 3666 науқас емделіп, күндізгі емдеу стационарларында4763 науқас ем алды. Төсек айналымы 29,5 тен 32,8 ге артып, төсек жұмысы 274,7 ден 290,0-ға орындалды, сәйкесінше төсек күннің орындалуы да 88,6 дан 93,5 ке көтерілді.  2014 жылы ота саны 571 болса, 2016 жылы 730 ота жасалынды, хирургиялық белсенділік 68,6% дан  79,6% артты.
2014 жылы туған бала саны 682, оның ішінде облыс орталығында туғаны 151, 2015 жылы туған бала саны 673, оның ішінде облыс орталығында туғаны 181, 2016 жылы туған бала саны 613, оның ішінде облыс орталығында туғаны 234.
Флюорографиялық тексерудің жылдық жоспары – 21500. ФЛГ тексеру 100 пайызға орындалды. Лабораториялық тексерулер саны 1 800379. Физиотерапиялық көмек  саны 26 868. Маммографиялық тексеру 1019 кісі қабылданып, 2038 тексеру жүргізілді, ауру анықталған науқастар обыс орталығына тереңдетілген тексерулерге жіберілді.
Әлеуметтік маңызы бар аурулардың алдын алу басты назарда. Түберкүлез ауруымен алғаш рет тіркелгендер көрсеткіші 100 мың адамға есептегенде 39,4 тен 28,8-ге төмендеді. Туберкулез ауыруынан қайтыс болғандар жоқ. Қатерлі ісік ауруымен алғаш рет тіркелгендер көрсеткіші 139% - 138,6% болып отыр. Қатерлі ісікпен қайтыс болғандар көрсеткіші  55,2%-дан86,6% –ға артты.2016  жылы қан айналымы ауруларынан аурушаңдық көрсеткіші басты назарда, 100 мың адамға шаққанда  - 14,6,  барлық қайтыс болғандардың – 2,5  пайызын құрайды;
Аудандажыл сайынғы халық арасында профилактикалық тексеру ҚР Денсаулық сақтау министрлігінің 2009 жылғы 10 қарашадағы №685 және №145 бұйрықтары «Ересек халықтың жекелеген санаттарына алдын алу медициналық тексерулерін жетілдіру туралы» негізінде скринингтің  9  түрінен   тексерілуде.  Жылдық жоспар 100,0 пайызға қамтылды.  Анықталған аурулар диспансерлік есепке алынып, сауықтыру жұмыстары жалғасуда.
ДСМ –нің №786 бұйрығы негізінде жекелеген санаттағы диспансерлік есепте тұрған науқастарға және балаларға тегін дәрі- дәрмекпен қамтамасыз ету толық жолға қойылған. Келіп түскен135 млн тенгенің дәрі- дәрмектері100 пайыз игерілді.
Ауданымыздың денсаулық сақтау саласы 2015 жылы жылдық қорытынды бойынша облыс көлемінде 1орынды, 2016 жылы 3 орынды иеленді.

2017 жылға алға қойған мақсаттар мен міндеттер:

1. Орталық аудандық аурухана шатырына, Дайыр, Біржан, Кенсай, Қарабұлақ, Шілікті дәрігерлік амбулаторияларына, Жамбыл, Көкжыра, Жарсу, Саржыра, Қайнар медициналық пунктерінінің  ғимараттарына ағымды жөндеу жұмыстарын жүргізу, Үлкен-Қаратал ФАП-не, Көгедай, Жалши және Тасбастау МП-не ғимарат сатып алу.
2. 2017 жылға мамандардың шет елде біліктілігін арттыру мақсатында облыстық денсаулық сақтау басқармасына сұраныс берілді.
3.  Аудан көлемінде денсаулық сақтау саласының мекемелерін заманауи медициналық құрал жабдықтармен жабдықтау мақсатында және санитарлық автокөліктемен қамтамасыз етуге облыс орталығына сураныс берілді.

Зайсан аудандық орталық
ауруханасының бас дәрігері: Е.Т.Бүркітов 

 

Зайсан аудандық  денсаулық сақтау саласының мемлекеттік «Саламатты Қазақстан»2011-2015 жылдар бағдарламасы бойынша 2014 жылы атқарылған жұмыстары (*.doc 52 KB)
Зайсан ауданық денсаулық сақтау саласы бойынша 2013 жылы атқарылған жұмыстар
Зайсан аудандық медицина бірлестігі бойынша 2013 жылдың І жарты жылдығында атқарылған жұмыстар
Зайсан ауданының денсаулық сақтау саласы бойынша 2012 жылы атқарылған жұмыстар
Зайсан ауданының денсаулық сақтау саласы бойынша 2012 жылдың 9 айында атқарылған жұмыстар
Зайсан аудандық медициналық бірлестігінің 2012 жылдың 5 айында атқарған жұмыстары
Зайсан ауданының денсаулық сақтау саласы бойынша 2011 жылы атқарған іс шаралары
Ауданындық денсаулық сақтау саласының 2010 жылы даму барысы
ШҚО денсаулық сақтау ісін реформалау мен дамытуың 2008-2010 жылдарға арналған өңірлік бағдарламасының “ 2009 жылы орындалу барысы
2009 жылдың 9 айының қорытындысы
2009 жылдың I – жарты жылдығындағы көрсетілген қызметте
2008 жылдың қорытындысы

Парақтар өзгертілді: 14-08-2017

23.06.2009 Медицина қызметкерлері күні