«Қазақстан» РТРК» АҚ - ЭКСПО-2017 хост-бродкастері

Астана қ.  2017 жылғы 16 мамыр

«Қазақстан» РТРК» АҚ - ЭКСПО-2017 хост-бродкастері Астана қаласындағы «ЭКСПО-2017» Халықаралық мамандандырылған көрмесінің ресми хост-бродкастері «Қазақстан» РТРК» АҚ болды.
Хост-бродкастер барлық 93 күн бойы Көрме аумағынан телевидение және радио арқылы хабар тарататын болады. Барынша көп аудиторияны тарту мақсатында «Қазақстан» телеарнасы Көрменің алғашқы күнінен бастап, халықаралық шара өз жұмысын аяқтағанша тікелей эфирде трансляция жүргізетін болады. Телевизиялық сигнал алдын ала берілген өтінімдер бойынша Көрменің Медиа Орталығына, ҚМО және шетелдік ақпарат құралдарына беріліп отырады.
Күн сайын Халықаралық Көрме аумағында 10 және 5 камера жұмылдырылған 4 ЖТС (жылжымалы телевизия стансалары), 2 МСС (мобильдік спутник стансалары), жылжымалы кейстер базасындағы 4 ЖТС жұмыс істейтін болады. Жалпы Экспо-2017 ақпараттық сүйемелдеуді ұйымдастыруға «Қазақстан» РТРК» АҚ барлық техникасы мен 146 техникалық қызметкері жұмылдырылады.
Айта кетерлігі, Live-режимде  шараның Ашылуы салтанатынан хабар таратуға бірнеше еуропалық және америкалық  арналар өтінімдерін алдын ала беріп қойды.
«Астана «ЭКСПО-2017» бродкастингін ұйымдастырудағы басты ерекшелік – тиісті аймақтық телеарналардан бастап, халықаралық телеарналардың барлығы Көрмедегі «картинаны» тегін пайдалана алатын болады.
«Астана «ЭКСПО-2017» ҰК» АҚ  мен «Қазақстан» РТРК» АҚ  арасында 2017 жылғы 02 мамырда тиісті келісімшартқа қол қойылды.

***
«Астана ЭКСПО-2017» ҰК» АҚ  ЭКСПО-2017 Халықаралық мамандандырылған көрмесін дайындау мен өткізу мақсатында 2013 жылғы 15 қаңтарда құрылды.
Қосымша ақпарат алу үшін Қоғаммен байланыс бойынша департаментке хабарласу керек: тел.: +7(7172)938785, e-mail: pr@expo2017astana.com, www.expo2017astana.com